線面唔老土 - 壹週刊【Jobs Live】| 上環梁太線面

感謝壹週刊幅刊青雲路【Jobs Live】的專欄訪問,以下是整篇問的紀錄:

線面唔老土 - 上環梁太/梁燕珊線面專訪

阿珊說基本上任何膚質都適宜線面,「試過有個客滿面生曬暗瘡含曬膿都嚟線面,線完皮膚真係改善咗。」採訪當日,阿珊為 model 阿 Yan 線面,事後 Yan 說:「之前未試過,所以感覺微痛,但覺得脫走曬啲死皮,皮膚真係光滑咗。」現時阿珊為客人線面收費 $130,需時30分鐘。

線面唔老土

隨著城市急速發展,不少古老行業都因後繼無人而漸漸式微。 27歲的阿珊,小學開始在母親的線面鋪幫手,至今已擁有15年線面經驗,是店中的師傅,她認為線面一點也不老土,還可以幫人改善皮膚,揚言要把這門手藝傳承下去。

阿珊的店位於上環的舊式唐樓,訪問當日她開鋪短短半小時,門口就已經有客人大排長龍等線面,「線面就等於幫皮膚做運動,令皮膚回復彈性,兼可以幫助清理毛囊同脫毛,功效同做激光一樣,持續做嘅話對皮膚好有益。」記者看到阿珊跟她母親的皮膚均非常光滑,證明她並非吹牛,「我哋一家人閒時會互相線面架。」

阿珊早於15年前已落線面鋪幫手,每天觀察母親工作,因而學懂線面技巧,「細個落鋪幫媽咪手執頭執尾,日日睇住佢幫客線面,唔多唔少都偷到師,閒時我會拎鋪頭啲麻線幫自己大髀線面,點知效果又幾好喎,直到有一日,鋪頭好多客媽咪做唔到咁多,我就主動提出幫手,媽咪都係嗰刻先知我識線面,佢當然又驚又喜啦!」

發揮專長

雜誌主匙,中學畢業後,阿珊分別在髮型屋和美甲店打過工,始終覺得不適合自己,「出面工作時間冇咁穩建,又發揮唔到專長所以兩份工都係做咗幾個月就冇做,最後返咗鋪頭幫手,其實𠵱家都幾好,我唔覺得呢份工作老土,反而幫到人好青滿足感,有唔少客原本皮膚好差,面部好多暗瘡,喺度做咗5個月後,皮膚真係改善咗好多,啲粒粒冇曬,我諗呢一個都係我堅持做線面嘅原動力。」阿珊現時每日平均約有10個客,線面約30分鐘,收費$ 130,月入約 $13,000。

說到將來發展,原來阿珊 - 早有計劃,只是未落實,她笑說:「呢行請人好難,就算請我哋都係請番自己人,怕外人嚟學完就走,出去開鋪打自己,𠵱家兩個細佬就快喺外國讀完書返嚟,到時多啲人幫手,我希望可以將家族生意配合埋美容提供線面以外嘅服務,不過𠵱家十劃都未有一撇,等佢哋返到嚟再算。」

線面孖寶

線面用海棠粉,用途是令毛孔更顯眼及避免客人面油黏住毛髮。

線面時,阿珊需咬住麻線的另一端,她指線手和腳對牙力需求較大,所以通常由她來負責。

線面 2部曲

首先在線面位置拍上海棠粉。

然後用麻線線面,完成後用濕紙巾抹乾淨。

除了線面部之外,阿珊指不少客人會選擇線手,收費$ 100,需時約30分鐘起。

阿珊指線背也受不少OL歡迎,收費約$ 100,需時約30分鐘起。

文章來源:交通易 1141 期青雲路 - Jobs Live 線面唔老土

上環梁太是香港最著名的古法線面美容師。曾多次接受不同傳媒採訪, 如 Viu TV, TVB, Now TV 和各雜誌報張如東方日報, Tradingexpress等。名聲遠傳至海外, 受訪於日本多個網站和旅遊手冊, 深受日本顧客歡迎。

最新博文
更新月份
博文分類
關注上環梁太
  • Facebook Basic Square
  • Google+ Basic Square
  • YouTube Social  Icon
  • Blogger Social Icon
查詢 | 預約

2546 1158

9410 7218

地址:

 

上環德輔道西25號德輔大厦8樓4室

 了解我們更多: 

 

  • Facebook Social Icon
  • Google+ Social Icon

 營業時間

 

 星期一到星期六

 10:00 - 20:00